NIMEYAPENDA HAYA MAONI YA MDAU WETU.SOMA.......

Mimi ni mhitimu wa UDSM wa mwaka 2001. Nimekuwa kwenye ajira katika miaka 7 iliyopita na sijafanya MSc bado, ila nina mpango huo.
Kuhusu migomo, tatizo liko zaidi kwenye uongozi na sio wanavyuo. Uongozi hapa unahusisha serikali, uongozi wa vyuo na uongozi wa serikali za wanafunzi.
Serikali: Inatakiwa ihakikishe fedha kwa ajili ya mambo mbalimbali ya wanafunzi ziwe zinatumwa katika wakati bila kuchelewa. Serikali inatakiwa kuongeza vyanzo vya mapato ili kuweza kukidhi mahitaji ya wanafunzi. Ili nchi iendelee, ni LAZIMA kuendeleza ELIMU. Lazima ELIMU ipewe kipaumbele cha pekee kwa kuiingiza hela zaidi na vitendea kazi bora. Lazima serikali iboreshe mazingira ya walimu/wakufunzi ktk vyuo kwa kuwapa mafunzo zaidi na motisha zaidi. Hii itasaidia wakufunzi kuwa ktk hali bora na kuweza kuhakikisha wanafunzi wao wanapata kile kilicho bora kutoka kwao wakufunzi/walimu.Serikali pia IPITISHE sheria kuhakikisha kuwa waajiri wote wanawasilisha makato ya wafanyakazi wao ambao walichukua mikopo kutoka serikalini. Mikopo ilianza kutolewa mwaka 1994. Wapo watu wanaoweza kulipa madeni yao katika mwaka mmoja tu au miwili. Sheria hii ikipitishwa na ikasimamiwa kama sheria za pension (NSSF/PPF), waajiri wote wakibanwa, fedha nyingi zitapatikana. Hivi ndivyo nchi zilizoendelea zinavyofanya. Hakuna chochote tusichoweza kufanya.
Uongozi wa Vyuo: Hawa wanatakiwa ku-foresee changes katika mazingira ya vyuo vyao. Lazima wawe na vision ya wapi wanataka kufika na hivyo serikali isaidie katika vision hiyo.
Uongozi wa Serikali za Wanafunzi: Hawa wanatakiwa kutumia busara zaidi katika masuala ya kuitisha migomo. Serikali hizi zimekuwa mara nyingi zinaegamia kwa wanafunzi zaidi kuliko kuwa objective katka masuala husika. Kuna mambo ya kugoma wanafunzi wote, lakini kuna mambo ya kufuatilia bila kuruhusu mgomo. Tusifikiri kwamba vyuo kama Harvard, Cambridge na vingine havina matatizo. Hapana, matatizo yapo. Ila tu ni busara gani inatumika katika kutatua matatizo hayo. Kwa mfano, huwezi kuruhusu wanafunzi wagome, wiki mbili kabla ya kufanya annual exams. Kuruhusu hivyo, kunafanya wanafunzi warudishwe nyumbani kwa mwezi mmoja au zaidi, watafute nauli kwenda na kurudi, na pia kuweka bidii ya zaidi katika revisions zao. Pia interruptions kama hizi zina affect ratiba nyingine upande wa walimu,wanafunzi, na ndugu kwa ujumla.Kwa Tanzania yenye rasilimali zote tulizonazo, elimu bora inawezekana kabisa !!
Tatizo ni kwamba, sisi kama Watanzania, hatujaamua kujipanga vizuri, tunabaki tunalaumu tu bila kuja na mikakati na kuitekeleza mikakati hiyo.
Mada hii ni ndefu sana, naomba niishe hapa kwa mchango wangu huu mdogo