KWELI ATHARI ZA MIGOMO NI KUBWA....!!

Kutoka gazeti la Mwananchi la leo.

MARA baada ya kutolewa kwa amri ya wanafunzi wa Chuo Kikuu cha Dar es Salaam kusimamishwa masomo na kutakiwa kuondoka chuoni mara moja, mambo mawili makuu yaliumiza vichwa vya wanafunzi walio wengi. Mosi watakwenda wapi na pili wataishi vipi ndani ya muda wote chuo kikiwa kimefungwa.Kwa wakazi wa Dar es Salaam, mikoa ya jirani na hata wale wenye jamaa wa karibu mambo haya hayakuwasumbua kwa kuwa walijua nini cha kufanya. Kibarua kilikuwa kwa wale wanaotoka mikoa ya mbali na wakawa hawana kitu mfukoni.Ni mwezi mmoja na ushee sasa tangu kufungwa kwa chuo hicho uchunguzi wa Mwananchi umebaini kuwa baadhi ya wanafunzi wa chuo hicho wameamua kujiingiza katika biashara ya ukahaba kwa kile wanachodai kupambana na ugumu wa maisha unaowakabili baada ya kukosa njia za kurudi makwao.Safari ya gazeti hili kutaka kujua ukweli wa tetesi kuwa baadhi ya wanafunzi waliofukuzwa wanajiuza mitaani zilianzia hosteli ya Mabibo.

Dada mmoja (jina tunalihifadhi) alikuja pale kuomba hifadhi kwa wenzake wanaosoma Taasisi ya Mawasiliano ya Umma na Uandishi wa Habari (IJMC) ambao wao walikataa kugoma.Akizungumza huku akibubujikwa na machozi alisema alikwenda kuwaomba wampe hifadhi baada ya kuchoka na manyanyaso nyumbani kwa mjomba wake aliyekuwa akiishi kwake tangu chuo kilipofungwa. Anamtaja mke wa mjomba wake kama sababu ya kuchukua uamuzi wa kuhama kwa mjomba wake ambaye alikuwa safarini.Huu ndio uliokuwa mwanzo wa kujua kama yapo mambo mengine yanayowasibu wanafunzi wa chuo hiki kikongwe nchini.Nilipomsaili hakusita kusema kuwa kufungwa kwa chuo kumesababisha wanafunzi wengi wa kike kufanya biashara ya kuuza miili yao maeneo mbalimbali ya jiji hasa kumbi za sterehe na burudani."Hamuwezi kuamini nendeni hata hizi baa zilizopo hapa jirani na hosteli utawakuta wanafunzi kama hamuwafahamu mimi nitawaonesha wanajiuza, wanavaa mavazi ya kubana wana weza kununua bia moja au soda kuanzia mchana mpaka jioni wakiwa wanasubiri wanaume, na sio hapa tu hata kule maeneo ya Sinza , makumbusho na Mwenge, kwa kweli hali inatisha sana nyie wenzangu msicheke" alisema kuwaambia wenzake huku akisikitika.Ushabiki wangu wa kutaka kujua zaidi hasa nikitilia maanani hii ilikuwa kazi niliyopewa na mkuu wangu wa kazi nililazimika kumuomba dada huyu twende katika moja ya baa alizozitaja ili nikajionee fahari ya macho.Alikubali na tulijongea baaz ya jirani ambalo naomba kuhifadhi jina lake.Pale niliwakuta akina dada kadhaa alini macho yangu yalituwama kwa mabinti wawili walikouwa wameva nguo fupi huku wakipiga simu na kutoa matusi. Nakumbuka mmoja alikuwa alimaka:‘"inakuwaje mwanume kama huyu atusumbue akili zetu kama angekuwa hana pesa si angesema tusije hapa, shoga nakuomba kuanzia leo usimtafute kama ataamua atakutafuta mwenyewe"Kuanzia hapa nikaanza kupata picha fulani ambayo punde tu ukweli wake ukaja kujidhihirisha baada ya yule dada niliyemuomba kunionyesha hao machangudoa aliponambia maneno yafuatayo:"Kaka umewaona watu wako uliokuwa unawataka ndio hao, hapa ni kidogo tu wewe ukitaka kuwaona wengi nenda Makumbusho ,Mwenge au Sinza kila baa utawakuta wanafunzi, wamesheheni wakiwa wanasubiri wateja wao kama hawa, watoto wadogo lakini ndio hivyo tena.”Baada ya kujionea ya hosteli nilimwomba tena mwenyeji wangu anipeleke eneo la Mwenge kujionea hali ilivyo huko.Hapa nilishuhudia idadi kubwa ya wanawake na magari.

Wanaume walikuja na kuwachagua wanawake kama vile mtu anavyochagua chungwa gengeni."Unamuona yule mwanafunzi yule kashachukuliwa masikini kama angeniona hapa sikui ingekuwaje, lakini ndio ameshaamua jamani yaani hata Jati (jina si rasmi) na yeye anajiuza kweli hali imekuwa mbaya"alisemaKwa kuwa ilikuwa usiku kiasi mwenyeji wangu aliamua kuondoka, nilimshukuru nami nikaamua kwenda kumalizia uchunguzi wangu Makumbusho katika baa moja maarufu eneo hilo . Niliyoyakuta huku ni sawa na ya Mwenge ila hapa kidogo nilipata ugumu kung’amua nani mwanafunzi nani si mwanafunzi. Hata hivyo niliweza kuwabaini baadhi baada ya kuwasikia wakichanganya lugha za Kiswahili na Kiingereza katika mazungumzo yao. Nilihisi walikuwa wanafunzi na ndivyo ilivyokuwa.Niliamua kumfuata mwanadada mmoja aliyekuwa ameketi peke yake, nilimsalimia na kuomba ruhusa ya kujiunga naye katika meza. Nikapata muda wa kurusha ndoano yangu ya kwanza.Sikiliza majibu yake “"Kaka ikiwa unataka kutoka na mimi leo tafadhali nihakikishie kuwa utanipatia elfu kumi kwa usiku mmoja , pia ujue chakula kitakuwa ni juu yako na vinywaji sawa?nadhani umenielewa kaka vinginevyo itakuwa ngumu kaka yangu"Kwa kuwa mimi si mkware na wala sikwenda pale kwa kile ambacho yeye alikifikiri kwa mara ya kwanza nilitaka kuzungumza naye mambo mengine ambayo kwa bahati nzuri alikubali kwa roho moja.

Mwanadada huyo aliyeonekana mdogo kiumri alianza kuniambia kuwa yupo mwaka wa tatu Chuo kikuu cha Dar es Salaam akisomea fani ya sheria, alisema hafanyi biashara hiyo kwa kupenda bali ni kutokana na maisha kuwa magumu“Usione hivi kaka hapa nilipo nipo katika wakati mgumu sana kwani najua ni aibu kufanya hivi lakini, sasa nifanyeje tunakaa chumba kimoja maeneo ya kinondoni tupo watu wanane na wale wenzangu uliowaona wamekaa hapa na kila siku tunatakiwa kula na kufua wewe unafikiria tutatoa wapi hizo pesa" alifafanua sababu ya kufanya uchangudoa.Kwa hali yoyote haya ndiyo matokeo ya kukaidi amri ya chuo na ile ya Waziri wa Elimu na Mafunzo ya Ufundi Prof. Jumanne Maghembe, iliyowataka kusitisha mgomo na kurudi madarasani wakati wizara ikishughulikia madai yao.Si wote waliogoma lakini mwisho wa siku ilibidi rungu la serikali kuwaangukia waliokuwemo na wasiokuwemo.Inasikitisha.

http://www.mwananchi.co.tz/

JAMANI JAMANI VIONGOZI WA WANAFUNZI HEBU TOENI FIKRA MBOVU VICHWANI KUWA MIGOMO NDIO SULUHISHO LA MATATIZO YETU.